بھارتی حیدرآباد میں کانگریس حکومت کی جانب سے ایک اور سہولت اسکیم پر عمل آمد کے لئے اقدامات شروع کر دیے گئے ہیں۔
بین الاقوامی خبر رساں ادارے کی رپورٹ کے مطابق ریاستی وزیر کومٹ ریڈی وینکٹ ریڈی نے بتایا کہ فروری کے مہینہ سے 200 یونٹ تک مفت بجلی پہنچانے کے وعدہ پر عمل درآمد کیا جائے گا۔
ریاستی وزیر کومٹ ریڈی وینکٹ ریڈی نے آج گاندھی بھون میں کانگریس انتخابی منشور کمیٹی کے اجلاس میں شرکت کی۔ ان کے ہمراہ دیگر قائدین بھی موجود تھے۔
بعد ازاں کومٹ ریڈی وینکٹ ریڈی کا میڈیا سے گفتگو کرتے ہوئے کہنا تھا کہ انتخابات میں کیے گئے تمام وعدوں کو اندرون 100 پورا کیا جائے گا۔
”خواب میں ٹیچر کا تشدد“ طالبہ کی شکایت پر ٹیچر کو طلب کرلیا گیا
انہوں نے کہا کہ کے سی آر حکومت کی وجہ سے ریاست قرض کے دلدل میں ڈوب گئی اسی لیے وعدوں پر عمل آوری میں تاخیر کا سامنا کرنا پڑ رہا ہے۔ کومٹ ریڈی وینکٹ ریڈی کا مزید کہنا تھا کہ پارلیمانی انتخابات میں بی آر ایس کو ایک بھی نشست حاصل نہیں ہوگی۔
