غزہ کے مظلوم فلسطینیوں کے لئے جاری عوامی عطیات مہم کے تحت سعودی عرب سے 23 واں طیارہ روانہ کردیا گیا۔
بین الاقوامی خبر رساں ادارے کی رپورٹ میں کہا گیا ہے کہ ریاض سے مصر کے ابو عریش ایئرپورٹ کے لیے روانہ ہونے والے طیارے میں 31 ٹن سامان موجود ہے۔
انتظامیہ کے مطابق ’طیارے میں غذائی اشیا کے علاوہ، طبی سامان، کمبل، خیمے اور سلیپنگ پیگز موجود ہیں‘۔جو متاثرین تک پہنچائے جائیں گے۔
خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کی ہدایت پر غزہ متاثرین کے لئے عوامی عطیات مہم کا سلسلہ جاری ہے۔
سعودی عرب کی جانب سے غزہ کے لیے فضائی امدادی کارروائیوں کے ساتھ ساتھ سمندری ذریعے سے بھی ضروری اشیا کی ترسیل کا سلسلہ شروع کردیا گیا ہے۔
دوسری جانب غزہ جنگ بندی میں مزید توسیع کے سلسلے میں سی آئی اے اور موساد سربراہ قطر پہنچ گئے۔
عرب میڈیا کے مطابق غزہ میں آج جنگ بندی کا چھٹا اور آخری روز ہے، قطر کا کہنا ہے کہ غزہ میں جنگ بندی میں مزید توسیع کے لیے کوششیں جاری ہیں۔
غزہ یا قبرستان، عمارتوں کے ملبے سے مزید 160 لاشیں برآمد
اس سلسلے میں امریکی اور اسرائیلی خفیہ ایجنسیوں سی آئی اے اور موساد کے سربراہان مذاکرات کے لیے قطر پہنچ گئے ہیں، دونوں انٹیلیجنس سربراہان قطری وزیر اعظم اور مصری حکام کے ساتھ ملاقاتیں کریں گے۔
