اسلام آباد: وفاقی وزیرمراد سعید نے پروپیگنڈے اور بہتان تراشی پر ریحام خان کو قانونی نوٹس بھیج دیا، ریحام خان چودہ روز میں تحریری جواب دینے کا پابند کیا گیا ہے۔
تفصیلات کے مطابق وفاقی وزیرمراد سعید کی جانب سے دئیے گئے قانونی نوٹس میں کہا گیا ہے کہ مراد سعید پاکستان تحریک انصاف کی طلبا تنظیم کے بانی صدر رہے، انہوں نے دہشت گردی کے خلاف و دیگر تحریکوں ،عوامی ایشوز میں حصہ لیا۔
نوٹس میں کہا گیا کہ الیکشن2013 میں سیاسی جدوجہد کی بدولت ریکارڈ ووٹ کیساتھ رکن اسمبلی بنے جبکہ الیکشن2018 میں بھی دوبارہ عوام کا اعتماد ملا اوربڑی کامیابی حاصل کی۔
وفاقی وزیر کی جانب سے ریحام خان کو بھیجے گئے قانونی نوٹس میں کہا گیا کہہ ستمبر2018میں وزیربنا اورحکومتی وژن کے مطابق اہداف حاصل کئے، مراد سعید کی وزارت کو 100فیصد کارکردگی پر پہلا نمبر ملا۔
قانونی نوٹس میں کہا گیا کہ آپ کے مسودےکاحوالہ دے کر وزارت مواصلات کو متنازع بنایا گیا، جس کے باعث درخواست کنندہ کی ہتک اور وزارت سےمنسلک اہلکاروں کی حوصلہ شکنی ہوئی۔
مراد سعید کی جانب سے دئیے جانے والے نوٹس میں کہا گیا کہ آپ کی تحریر کا حوالہ دے کر بہتان تراشی اور غلیظ پروپیگنڈ کیا جاتا ہے، آپ کے نام سے پہلے ایک مسودہ لیک ہوا جس کی آج تک آپ نے تردید نہیں کی بعد میں شائع کردہ مسودہ کا حوالہ دے کر مراد مجھ پر پر تہمت لگائی گئی۔
نوٹس میں کہا گیا کہ ریحام خان چودہ دن میں تحریری وضاحت سے کر معافی مانگیں بصورت دیگر عدالت سے سزا اور ایک ارب ہرجانے کی استدعا کی جائیگی۔
