The news is by your side.

Advertisement

خواتین کی دلکشی کا راز، خوبصورتی یا زیورات؟

خواتین سجنے سنورنے کیلئے صدیوں سے زیورات کا استعمال کر رہی ہیں، ان کی زیب و زینت کے لئے زیورات کا ایک خصوصی مقام رہا ہے، البتہ وقت بدلنے کے ساتھ زیورات کی دھات اور اس کی بناوٹ میں تبدیلیاں ہوتی رہتی ہیں۔

لیکن خوبصورت نظر آنے کے لئے زیورات کا استعمال کبھی ترک نہیں کیا گیا، ہر عورت کی یہ خواہش رہتی ہے کہ وہ سب پر سبقت لے جائے اور سب سے منفرد اور جدا نظر آئے اسی لئے وہ زیورات کے استعما ل سے کبھی غافل نہیں رہتی۔

کچھ زیورات ایسے ہیں جو عام طور پر سب ہی خواتین استعمال کرتی ہیں، ان میں بندے، جھمکے، بالیاں، گلے کی چین، انگوٹھی اور بریسلٹ شامل ہیں۔ آج کل نازک چین سے بنی پازیب بھی خواتین خصوصاً لڑکیوں میں مقبول ہے۔

اسی مناسبت سے اے آر وائی ڈیجیٹل کے پروگرام ‘ گڈ مارننگ پاکستان’ میں دیدہ زیب زیورات سے متعلق تفصیلی گفتگو ہوئی، جہاں ایکسپرٹ نے جدید دور کے تقاضوں کو مدنظر رکھتے ہوئے زیورات کے ڈیزائن متعارف کرائے۔

ہلکے اور بھاری بھر کم زیورات کی دلکشی دیکھنے سے تعلق رکھتی تھی، پروگرام میں گفتگو کرتے ہوئے ایکسپرٹ کا کہنا تھا کہ یہاں موجود ڈیزائن شادی بیاہ کے علاوہ دیگر تقاریب میں بھی پہنا جاسکتا ہے یہی نہیں جو خواتین روز مرہ امور کے دوران زیورات کو پہننا پسند کرتی ہیں، ان کے لئے ہلکے وزن کے زیورات موجود ہیں۔

 

Comments

یہ بھی پڑھیں