جھنگ: دریائے جہلم میں ڈوبنے والے 3 نوجوانوں میں سے ایک کی لاش مل گئی۔
تفصیلات کے مطابق گزشتہ روز دریائے جہلم میں 5 نوجوان ڈوب گئے تھے، جن میں سے 2 کو مقامی افراد نے فوری طور پر بچا لیا تھا، تاہم تین لڑکے نہ مل سکے تھے۔
ریسکیو ذرائع کا کہنا ہے کہ جھنگ کے قریب دریائے جہلم میں ڈوبنے والے تین میں سے ایک، 12 سال کے بچے عبدالوہاب کی لاش نکال لی گئی ہے، ریسکیو حکام نے اندھیرے کے سبب گزشتہ شام بند کی گئی تلاش آج علی الصبح دوبارہ شروع کر دی ہے۔
- Advertisement -
ریسکیو کا عملہ 15 سالہ عدیل اور 16 سالہ تیمور کو تلاش کر رہا ہے۔