کراچی: شہر قائد کے علاقے گرومندر کے قریب کباب ہاؤس میں خوفناک آگ بھڑک اٹھی۔
اے آر وائی نیوز کے مطابق ریسکیو ذرائع کا کہنا ہے کہ گرومندر کے قریب ایک ہی کباب ہاؤس کی دو برانچ میں آگ لگ گئی، آگ نے ریسٹورنٹ کے اوپر واقع رہائشی فلیٹ کو بھی لپیٹ میں لے لیا۔
ریسکیو ذرائع کا کہنا ہے کہ رہائشی عمارت سے لوگوں کو نکالا جارہا ہے۔
ذرائع کا کہنا ہے کہ فائر بریگیڈ کی گاڑی آدھے گھنٹے بعد آگ بجھانے کے لیے پہنچی۔
بعدازاں فائر بریگیڈ کی دو گاڑیوں نے آگ پر قابو پالیا، کولنگ کا عمل جاری ہے۔
پولیس کا کہنا ہے کہ ابتدائی طور پر آگ لگنے کی وجوہات شارٹ سرکٹ معلوم ہوتی ہیں، واقعے کی تحقیقات جاری ہیں۔
مزید پڑھیں: کراچی: گاڑی میں آگ لگ گئی، 6 افراد جھلس کر جاں بحق
واضح رہے کہ گزشتہ سال جنوری میں کراچی کے دو مختلف علاقوں میں گاڑی میں آتشزدگی کا واقعہ پیش آیا تھا۔ دو منٹ چورنگی کے قریب گاڑی میں لگنے والی آگ نے 6افراد جاں بحق اور 5 زخمی ہوگئے تھے۔
ریسکیوذرائع کا کہنا تھا کہ جاں بحق ہونے والوں میں میاں بیوی اور 4بچے بھی شامل تھے۔
گلستان جوہر بلاک 18میں چلتی گاڑی میں آگ لگ گئی تھی، آتشزدگی کے باعث قریب سے گزرنے والی گاڑی بھی لپیٹ میں آگئی تھیں۔
