دبئی: متحدہ عرب امارات میں وزرا اور اعلیٰ عہدیداروں کے احتساب سے متعلق حکم نامہ جاری کردیا گیا۔
عرب میڈیا کے مطابق متحدہ عرب امارات کے نائب صدر اور وزیراعظم شیخ محمد بن راشد المکتوم نے سماجی رابطے کی ویب سائٹ ٹویٹر پر اپنے پیغام میں وزرا اور اعلیٰ عہدیداروں کے احتساب سے متعلق ٹویٹ کیا۔
شیخ محمد بن راشد المکتوم نے لکھا کہ ’یو اے ای کے صدر شیخ خلیفہ نے وزرا اور اعلیٰ عہدیداروں کے احتساب سے متعلق حکم نامہ جاری کیا ہے۔‘
UAE President His Highness Sheikh Khalifa issued a decree law on the accountability of ministers and senior officials. The Public Prosecution will receive complaints against senior officials and refer them to investigation, in collaboration with the UAE cabinet.
— HH Sheikh Mohammed (@HHShkMohd) August 31, 2021
انہوں نے بتایا کہ ’پبلک پراسیکیوشن سینئر حکام کے خلاف شکایات وصول کرے گا اور انہیں متحدہ عرب امارات کی کابینہ کے تعاون سے تفتیش کی جائے گی۔‘
ایک دوسرے ٹویٹ میں شیخ محمد بن راشد المکتوم نے لکھا کہ ’قانون کے تحت متحدہ عرب امارات کا جنرل پراسیکیوٹر سفری پابندی جاری کرسکتا ہے یا ضرورت پڑنے پر مدعا لیہ کے اثاثے منجمد کرسکتا ہے۔‘
انہوں نے بتایا کہ ’انتظامی یا مالی خلاف ورزی کی صورت میں عہدیدار کو نوکری سے برخاست کیا جاسکتا ہے۔‘
شیخ محمد بن راشد المکتوم نے آخر میں لکھا کہ ’متحدہ عرب امارات میں شفافیت ہماری اولین ترجیح ہے۔‘
Under the law, the UAE general prosecutor can issue a travel ban or freeze the assets of the defendant if necessary. The official can be dismissed from service in case of administrative or financial violations. Transparency is our priority in UAE.
— HH Sheikh Mohammed (@HHShkMohd) August 31, 2021
اے آر وائی نیوز کی ڈیجیٹل ڈیسک کی جانب سے شائع کی گئی خبریں