کراچی: پاکستانی باکسر مظفر خان نے ورلڈ باکسنگ کونسل عریبین سی ٹائٹل اپنے نام کرلیا۔
اے آر وائی نیوز کے مطابق لیاقت جمنازیم میں پاکستان پروفیشنل باکسنگ لیگ کے مقابلے جاری ہیں، پاک افغان حریفوں کے درمیان پہلے راؤنڈ سے ہی سخت مقابلہ دیکھنے کو ملا مگر پانچویں راؤنڈ میں مظفر خان نے حریف احمد سمیر کو ناک آؤٹ کرتے ہوئے ٹائٹل اپنے نام کیا۔
پاکستانی باکسر مظفر خان نے افغان باکسر احمد سمیر کو پانچویں راؤنڈ میں ناک آؤٹ کیا۔
پاکستان اور افغانستان کی فائٹ سے قبل چار نمائشی میچ بھی کرائے گئے، اولمپکس میڈلسٹ باکسر حسین شاہ بھی تقریب میں موجود تھے۔
