اسلام آباد: تحریک انصاف کے سینیٹر فیصل جاوید کا کہنا ہے کہ گھبرانا بالکل نہیں ہے جلد کپتان اگلی حکمت عملی کا اعلان کریں گے۔
اے آر وائی نیوز کے مطابق پی ٹی آئی سینیٹر فیصل جاوید نے سماجی رابطے کی ویب سائٹ ٹویٹر پر لکھا کہ یا اللہ اپنا کرم فرما، انشا اللہ جیت عوام کی ہوگی، یہ قوم ایک عظیم قوم بننے جارہی ہے عمران خان اپنی قوم کے لیے ڈٹ کر مقابلہ کریں گے۔
فیصل جاوید نے شعر بھی لکھا ’ستاروں سے آگے جہاں اور بھی ہیں، ابھی عشق کے امتحان اور بھی ہیں۔‘
یااللہ اپنا کرم فرما- انشاء اللہ جیت اس عوام کی ہوگی – یہ قوم ایک عظیم قوم بننے جارہی ہے – عمران خان اپنی قوم کے لیے ڈٹ کر مقابلہ کریں گے –
ستاروں سے آگے جہاں اور بھی ہیں
ابھی عشق کے امتحاں اور بھی ہیںجلد کپتان اپنی اگلی حکمت عملی کا اعلان کریں گے – گھبرانا بلکل نہیں ہے
— Faisal Javed Khan (@FaisalJavedKhan) April 7, 2022
واضح رہے کہ سپریم کورٹ کے پانچ رکنی بینچ نے متفقہ فیصلہ دیا کہ ڈپٹی اسپیکر کی 3 اپریل کی رولنگ اور قومی اسمبلی کو تحلیل کرنا آئین سے متصادم تھا جس کے بعد سپریم کورٹ نے قومی اسمبلی بحال کردی۔
سپریم کورٹ نے اپنے فیصلے میں کہا کہ قومی اسپیکر قومی اسمبلی کا اجلاس 9 اپریل کو بلائیں۔
سپریم کورٹ نے اپنے فیصلے میں مزید کہا کہ تحریک عدم اعتماد پر ووٹنگ ہفتے کو صبح 10 بجے کرائی جائے، صدر کی نگران حکومت کے احکامات کالعدم قرار دیے جاتے ہیں، تحریک عدم اعتماد منظور ہو جاتی ہے تو اسمبلی نئے وزیر اعظم کا انتخاب کرے۔
عدالت نے متقفہ فیصلے میں کہا کہ کسی ممبر کو ووٹ کاسٹ کرنے سے روکا نہیں جائے گا، تحریک عدم اعتماد ناکام ہو تو حکومت اپنے امور انجام دیتی رہے۔
