وفاقی تحقیقاتی ادارے (ایف آئی اے) نے جعلی پاسپورٹ کے اجرا پر 7 افسران کو گرفتار کر لیا۔
تفصیلات کے مطابق افغانوں کو پاکستانی پاسپورٹ اجرا کے کیس میں پاسپورٹ اور نادرا کے 7 افسران کو گرفتار کیا گیا ہے جن میں 3 اسسٹنٹ ڈائریکٹر پاسپورٹ امیگریشن اور 4 نادرا افسران شامل ہیں۔
ایف آئی اے کا کہنا ہے کہ کارروائی میں 4 ایجنٹ اور 5 افغان شہری بھی گرفتار کیےگئے ہیں۔ یہ کارروائی نادرا حکام اور پاسپورٹ آفس کی شکایت پر کی گئی ہے۔
- Advertisement -
ایف آئی اے کے مطابق جعلی پاکستانی پاسپورٹ کا گروہ بین الاقوامی سطح پر سرگرم تھا۔ کیس میں اب تک 15ملزمان گرفتار کیے جا چکے ہیں جن سے تفتیش جاری ہے جب کہ مزیدگرفتاریوں کا بھی امکان ہے۔
