اسلام آباد: پی ٹی آئی رہنما فواد چوہدری کی ننھی بیٹی نے فریاد کی ہے کہ بابا کو گھر واپس لایا جائے۔
اے آر وائی نیوز کے مطابق پی ٹی آئی رہنما فواد چوہدری کی ننھی بیٹی کا کہنا ہے کہ بابا چار پانچ دن سے گھر نہیں آئے بہت مس کررہی ہوں، ہم بہت پریشان ہیں۔
فواد چوہدری کی ننھی بیٹی کا کہنا ہے کہ پتا نہیں انہیں کوئی لے گیا ہے۔
- Advertisement -
واضح رہے کہ ذرائع کا کہنا تھا کہ پولیس نے پی ٹی آئی کے گرفتار تینوں رہنما شاہ محمود قریشی، اسد عمر اور فواد چوہدری کو اڈیالہ جیل منتقل کردیا ہے۔
پولیس نے پی ٹی آئی کے تینوں رہنماؤں کو گزشتہ دنوں نقص امن کے خطرات کی وجہ سے تھری ایم پی او کے تحت گرفتار کیا تھا۔
اسد عمر کو اسلام آباد ہائیکورٹ اور فواد چوہدری کو سپریم کورٹ کے احاطے سے جب کہ شاہ محمود قریشی کو جی بی ہاؤس سے گرفتار کیا گیا تھا۔
