کراچی کے علاقے منگھوپیر ماہی گاڑی ندی میں پکنک منانے گئے میاں بیوی کی لاشیں برآمد کرلی گئیں۔
اے آر وائی نیوز کے مطابق کراچی کے علاقے منگھوپیر ماہی گاڑی ندی میں میاں بیوی ڈوب گئے جن کی لاشیں نکال لی گئی ہیں۔
ریسکیو ذرائع کا بتانا ہے کہ میاں بیوی پکنک منانے منگھوپیر ماہی گاڑی ندی گئے تھے۔
ریسکیو ذرائع کے مطابق بیوی ڈوبی تو اس کو بچانے کے لیے شوہر بھی نہر میں کود گیا، اہلخانہ بغیر قانونی کارروائی کے لاش اپنے ہمراہ لے گئے ہیں۔
واضح رہے کہ گزشتہ ماہ مائی کلاچی پھاٹک کے قریب سمندر میں ماں بیٹا ڈوب کر جاں بحق ہوگئے تھے، امدادی ٹیموں کے مطابق ٹرین سے بچنے کیلئے سمندر میں چھلانگ لگادی تھی۔
مائی کلاچی پھاٹک کے قریب سمندر میں ڈوبنے والے دونوں ماں بیٹا اور شیریں جناح کالونی کے رہائشی تھے۔
ریسکیو ذرائع کا بتانا تھا کہ دونوں ماں بیٹا پھاٹک کے راستے پیدل شیریں جناح کالونی جارہے تھے کہ سامنے سے آنے والی مال گاڑی کی آواز سن کر ایک طرف ہوئے اور بد حواسی میں سمندر میں چھلانگ لگا دی۔
