تازہ ترین

گھر کے سوئمنگ پول میں 9 فٹ لمبے مگر مچھ کی آمد

نیویارک: امریکی ریاست فلوریڈا کے ایک گھر میں موجود سوئمنگ پول میں مگرمچھ داخل ہوا جسے دیکھ کر مکین خوف زدہ ہوگئے۔

غیر ملکی خبررساں ادارے کی رپورٹ کے مطابق امریکی ریاست فلوریڈا میں واقع گھر کے سوئمنگ پول میں 9 فٹ لمبا مگر مچھ داخل ہوا اور پانی میں تیرنے لگا۔ رپورٹ کے مطابق اہل خانہ اُس وقت خوفزدہ ہوئے جب انہوں نے مگر مچھ کو ڈبکیاں لگاتے دیکھا۔

اہل خانہ نے مگر مچھ کو دیکھنے کے بعد کمرے میں بیٹھنے کو ہی عافیت جانا اور ریسکیو ادارے کو بن بلائے مہمان کی آمد کی اطلاع دی۔

محکمہ جنگلی حیات کے افسران اور ریسکیو ادارے کے اہلکار اہل خانہ کی پریشانی سُن کر فوری طور پر پہنچے اور اُن میں سے ایک نوجوان نے مگرمچھ کو دیکھتے ہی سوئمنگ پول میں چھلانگ لگادی۔

حیران کن طور پر ریسکیو اہلکار مگر مچھ کے ساتھ کھیلتا رہا اور اُس نے موقع غنیمت جان کر بن بلائے مہمان کو قابو کیا، بعد ازاں اُسے کاندھے پر اٹھا کر باہر نکالا اور ٹرک میں ڈال دیا۔

اہلکار کی جواں مردی کو دیکھ کر  گھر کے مکین بھی حیران رہ گئے۔

Comments

- Advertisement -