اسلام آباد: 9 مئی جی ایچ کیو حملے میں ملوث ایک اور شرپسند کی شناخت ہو گئی ہے، شر پسند راجہ دانش نے اس دن جی ایچ کیو پر حملہ کر کے بے شرمی کی تمام حدیں پار کر دی تھیں۔
تفصیلات کے مطابق نو مئی کو جی ایچ کیو پر حملے میں شامل شرپسند کی شناخت راجہ دانش وحید کے نام سے ہوئی ہے، جو راولپنڈی کا رہائشی ہے۔
سامنے آنے والی ویڈیو کے مطابق شرپسند راجہ دانش لوگوں کو توڑ پھوڑ پر اُکساتا رہا، اور مونوگرام کو توڑ کر جی ایچ کیو میں داخل ہو گیا، وہ قانون نافذ کرنے والے اداروں پر پتھراؤ اور پیٹرول بم پھینکنے میں بھی صف اوّل میں رہا۔
- Advertisement -
شرپسند راجہ دانش وحید کی شناحت کے بعد قانون نافذ کرنے والے ادارے گرفتاری کے لیے متحرک ہو گئے ہیں۔
