استبول: ترک عدالت نے دوسال قبل ہونےوالے حکومت مخالف مظاہروں میں ملوث دو سو سے زائد افرادکو چودہ ماہ کی سزا سنادی۔
ترکی میں دوہزار تیرہ میں غازی پارک کی تعمیر کے خلاف حکومت مخالف احتجاج کرنے والے مظاہرین کو گرفتار کیا گیا تھا جن کے مقدمے کی سماعت پر عدالت نے عوامی املاک کو نقصان پہنچانے اور غیر قانونی طور پر مظاہرہ کرنے سمیت مختلف الزامات کے تحت چودہ ماہ کی سزا سنائی۔
عدالت نے چار ڈاکٹروں کو بھی مسجد میں طبی امداد دینے کے جرم میں سزا سنائی، دوہزار تیرہ میں حکومت مخالف مظاہرے عالمی توجہ کا مرکز رہے جس پر ترک حکومت کو سخت تنقید کا سامنا رہا ہے۔
