قابل: افغانستان میں یکے بعد دیگرے دو خودکش حملے ہوئے جس میں نو فوجی اہلکار ہلاک اور تیئس زخمی ہوئے ہیں۔
افغانستان کے صوبے بلخ کے دارلحکومت مزار شریف کے قریبی ضلع ڈھیڈائی میں خودکش حملہ آوروں نے افغان فوج کی بس کے قریب دھماکے کیے۔
دھماکوں سے ہرطرف تباہی پھیل گئی، افغان حکام کے مطابق دو خودکش حملہ آوروں نے فوجی اہلکاروں کو لے کر آنے والی بس کو نشانہ بنایا، جس سے تئیس سے زائد افراد زخمی ہوئے ہیں۔
اسپتال ذرائع کا کہنا ہے کہ خودکش حملے میں زخمی ہونے والوں میں سےچار کی حالت تشویشناک ہے۔ سرکاری طور پر نو فوجی اہلکاروں کی ہلاکت کی تصدیق کردی گئی ہے۔
افغان طالبان نے بس پر خودکش حملوں کی ذمہ داری قبول کرلی ہے۔ گزشتہ سال دسمبر سے طالبان کے افغان فوج کیخلاف حملوں میں تیزی آئی ہے۔
Comments
- Advertisement -
