آپ نے کئی ایسی شوقین خواتین کو دیکھا ہوگا جو کارٹون کریکٹرز ڈزنی کی شہزادیوں کا روپ دھار لیتی ہیں۔ کچھ قدرتی طور پر ایسے حسن کی مالک ہوتی ہیں جبکہ کچھ محنت کر کے ان کا روپ دھارتی ہیں۔
لیکن آپ یقیناً یہ جان کر حیران رہ جائیں گے کہ ڈزنی شہزادیوں کا دیوانہ ایسا بھی ہے جو ان کے جیسا روپ دھار لیتا ہے۔۔ جی ہاں وہ کوئی لڑکی نہیں بلکہ لڑکا ہے۔
برطانیہ سے تعلق رکھنے والا 21 سالہ رچرڈ شیفر ایک میک اپ آرٹسٹ ہے جو اپنی صلاحیتوں کا اپنے اوپر استعمال کر کے ڈزنی پرنسز کا روپ دھار لیتا ہے۔
یہی نہیں وہ کئی بار ڈزنی کے شہزادوں کا روپ بھی دھار چکے ہیں۔
ان کا کہنا ہے کہ جب لوگوں کو پتہ چلتا ہے کہ اس خوبصورت روپ کے پیچھے ایک لڑکا ہے تو وہ حیران رہ جاتے ہیں۔ ’یہ اس بات کا ثبوت ہے کہ میری میک اپ کی صلاحیت بہت شاندار ہے‘۔
رچرڈ کو بچپن سے ان کارٹونز کو دیکھنے کا شوق ہے اور ان کا یہ شوق اب تک برقرار ہے۔
