بعض لوگ ہمارے بے حد قریب ہوتے ہیں اور ہم ان سے اپنی کوئی بات نہیں چھپاتے۔ کچھ لوگ ایسے بھی ہوتے ہیں جن سے بات کیے بغیر رہا نہیں جاتا اور باتوں باتوں میں وہ اپنے سارے راز دوسرے شخص کے حوالے کردیتے ہیں۔
لیکن ماہرین کہتے ہیں کہ کچھ چیزیں ایسی ہیں جنہیں آپ کو ہمیشہ راز میں رکھنا چاہیئے اور وقت آنے سے قبل انہیں کبھی بھی نہیں بتانا چاہیئے۔
آئیے آپ بھی ان چیزوں کو جانیں۔
منصوبے
اپنے مستقبل کے منصوبے کبھی بھی کسی کو مت بتائیں کہ آپ کیا کرنے جارہے ہیں۔ صرف اسی صورت میں انہیں ظاہر کریں جب وہ تکمیل کے قریب ہوں۔
ذہانت
ہر جگہ ہر شخص کے سامنے اپنی علمیت مت جھاڑیں۔ اپنے علم اور ذہانت کا اظہار صرف اسی وقت کریں جس وقت آپ کے قریب افراد اسے سننا چاہتے ہوں۔
طرز زندگی
اپنے طرز زندگی کے بارے میں گفتگو مت کریں۔ اکثر افراد شیخیاں بگھارتے ہوئے اپنے اعلیٰ طرز زندگی کا تذکرہ کرتے ہیں لیکن یہ غلط ہے۔
جراتمندی
اپنی جراتمندی و بہادری کا ذکر مت کریں۔ ہر شخص کی زندگی میں برا وقت آتا ہے اور وہ اسے اپنے طریقہ سے نمٹتا ہے۔ لیکن اسے دوسروں کو مت بتائیں اور یہ ظاہر کرنے کی کوشش مت کریں کہ آپ نے کسی سپر ہیرو کی طرح اپنی مشکلات پر قابو پایا۔
گھریلو مسائل
گھر سے باہر گھر میں ہونے والی پریشانیوں اور مسائل کا ذکر مت کریں۔ لوگ اسے آپ کی کمزوری بنا سکتے ہیں۔ گھر سے باہر کے افراد کو آپ کے خاندان کے بارے میں جتنی کم معلومات ہوں گی، آپ کے لیے یہ اتنا ہی اچھا ہوگا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
