پشاور: محکمہ انسداد دہشت گردی نے پشاور میں کارروائی کرتے ہوئے کالعدم تنظیم کے ایک دہشتگرد کو گرفتار کرلیا جس کے قبضے سے دو کلو گرام بارودی مواد برآمد ہوا.
تفصیلات کےمطابق محکمہ انسداد دہشتگردی نے پشاور کے باچا خان چوک میں کارروائی کرتے ہوئے ایک دہشتگرد کو خود ساختہ بم سمیت گرفتار کرلیا ہے،دہشگرد کا تعلق کالعدم تنظیم جماعت الاحرار سے بتایا جاتا ہے.
رحمان الدین کو خفیہ اطلاع پر ریڈیو پاکستان کے قریب سے گرفتار کیا گیا.دہشتگرد کے قبضے سے 2 کلو وزنی خود ساختہ بم بھی برآمد ہوا.
- Advertisement -
سی ٹی ڈی کے مطابق رحمان الدین سے ابتدائی تحقیقات میں یہ بات سامنے آئی ہے کہ دہشتگرد نے خود کش حملہ کرنے کی تربیت حاصل کر رکھی تھی اور اسے خصوصی طور پر حملے کے لیے تیار کیا گیا تھا.دہشت گرد کو تفتیش کے لیے نامعلوم مقام پر منتقل کردیا.
