ممبئی: بھارتی رئیلٹی شو بگ باس کی میزبانی سلمان خان کے ہاتھ سے نکلنے کا امکان ظاہر کیا جارہا ہے۔
دبنگ خان کی عید ریلیز ٹیوب لائٹ کی ناکامی کے بعد اب خبریں گردش کررہی ہیں کہ سلمان کا رئیلٹی شو بگ باس کے اگلے سیزن میں میزبانی کا خواب پورا نہیں ہوپائے گا، شو انتظامیہ نے اکشے کمار کی طرف نظریں دوڑانا شروع کردی ہیں۔
ذرائع کے مطابق سلمان خان بگ باس شو کی ہر سال میزبانی تو کرتے ہیں مگر ہر نئے سیزن میں معاوضے کی مد میں بڑی ڈیمانڈ کرتے نظر آتے ہیں، جسے ہر سال پورا کرنا شو انتظامیہ کے لیے مشکل ہے۔
دبنگ خان بگ باس شو کے دسویں سیزن میں ایک قسط ریکارڈ کرانے کے عوض آٹھ کروڑ کا خطیر معاوضہ وصول کیا تھا۔
اکشے کمار اگر شو کی میزبانی کے لیے تیار ہوجاتے ہیں تو سلمان خان کے لیے ان کی نئی فلم ٹیوب لائٹ کی ناکامی کے بعد شو کی میزبانی چھن جانا کافی تکلیف دہ امر ہوسکتا ہے۔
کھلاڑی کمار ان دنوں اپنی نئی فلم ٹوائے لیٹ اک پریم کتھا کی عکسبندی میں مصروف ہیں جس میں ان کے ساتھ ثناء خان، انوپم کھیر ودیگر نمایاں ہیں۔
بگ باس الیون میں ابھیشک ملک، انیری وجانی، انمول سنگھ، انوپریا کپور، فلک ناز، میلیسا امینا، مشتی، موہیت ملہوترا، نندیش سندھو، نتالیا، نونیت کور، ریا سین، زویا افروز اور پاؤلی دام شرکت کرتے نظر آئیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
