کیوبا : کینیڈین نژاد پاکستانی اداکارہ ارمینہ خان نے منگنی کرلی ۔
تفصیلات کے مطابق مختصر عرصے میں پاکستانی ڈرامے اور فلم انڈسٹری میں اپنی شناخت بنانے والی ارمینہ خان نے کیوبا میں برطانوی نوجوان سے منگنی کرلی۔
آرمینہ نے سماجی رابطے کی ویب سائٹ انسٹاگرام پر تصاویر شیئر کی ، جس وہ کیوبا کے ساحل پر موجود ہے، جہاں برطانوی نوجوان نے اپنے گھٹنوں پر بیٹھ کر ارمینہ کو شادی کی پیشکش کی جیسے انھوں نے قبول کرلیا۔
ایک اور پوسٹ میں ارمینہ کا کہنا تھا کہ میں بہت خوش ہوں اور وقت آنے پر اپنے مینگیتر کا نام اور اس کے بارے میں بتاؤں گی، انھوں نے اپنے مداحوں کے پیار اور تعریف کا بھی شکریہ ادا کیا۔
یاد رہے کہ گذشتہ ماہ ارمینہ خان نے لندن میں فلم یلغار پریمیئر کے موقع پر منگیتر کی تصویر شیر کی تھی۔
خیال رہے کہ اداکارہ ارمینہ کئی پاکستانی فلموں اور ڈراموں میں کام کر چکی ہے ، جس میں فلم جاناں، فلم یلغار اور ڈرامہ رسم دنیا شامل ہیں جبکہ وہ برطانوی فیچر فلم دی رئیل ٹارگٹ میں جلوہ گرہونگی۔
