لاہور : شرجیل فکسنگ کیس کا فیصلہ عوام کے سامنے آگیا۔ شرجیل خان کو دو ڈاٹ بالز کھیلنےکی ڈیل پر سزا دی گئی، خالد لطیف کے کہنے پرشرجیل خان بکی سے ملا دوسرےاوور میں دو ڈاٹ بال کھیلنے کی ڈیل ہوئی تھی۔
تفصیلات کے مطابق اسپاٹ فکسنگ کیس میں شرجیل خان کو پانچ سال کی سزا کیوں دی گئی۔ تفصیلی فیصلہ سامنے آگیا۔ ٹربیونل کے مطابق شرجیل خان خالد لطیف کے کہنے پر مبینہ بکی سے دس سے پندرہ منٹ ملا۔
ڈیل یہ ھوئی تھی کہ پہلے میچ میں پہلے اوور کے بعد دو لگاتار ڈاٹ بالز کھیلنی ہیں۔ شرجیل نے اٹھک بیٹھک کے ذریعہ بکی کو اشارہ دیا کہ ڈیل آن ہے۔ پھر دو ڈاٹ بالز کھیلنے سے قبل اٹھک بیٹھک لگا کر بکی کو پیغام دیا۔
شرجیل خان نے اعتراف کیا کہ وہ مبینہ بکی کی ساکھ سے واقف تھے، ٹربیونل نے شرجیل خان کے اس دعویٰ کو کہ شرجیل بکی کو فین سمجھے تھے مسترد کر دیا، فیصلے میں لکھا کہ فین کھلاڑی سے ملنے جاتا ہے، کھلاڑی نہیں۔
مزید پڑھیں : اسپاٹ فکسنگ: شرجیل کیخلاف تفصیلی فیصلہ آج سنایا جائےگا
ٹربیونل نے برطانوی نیشنل کرائم ایجنسی کی جانب سے فکسنگ کی ٹپ آف کو مان لیا۔ اچھی بیٹنگ وکٹ پر شرجیل نے اپنے انداز سے ہٹ کر بیٹنگ کی تھی۔
اس کے علاوہ ٹیلی فون پیغامات بھی شرجیل کے خلاف ثبوت بنے۔ کم سزا کا دفاع کرتے ہوئے ٹربیونل نے کہا کہ پی سی بی کھلاڑیوں کو سزا دے ان کی زندگی خراب نہ کرے۔
