لزبن: دنیا میں کئی اقسام اور مختلف ذائقوں کی چاکلیٹس آپ نے دیکھی ہوں گی، تاہم اب ایسی چاکلیٹ منظر عام پر آئی ہے جسے مہنگی ترین چاکلیٹ قرار دیا گیا ہے۔
تفصیلات کے مطابق پرتگال کے شہر ’اوبیڈس‘ میں عالمی چاکلیٹ میلہ جاری ہے جہاں جمعہ کے روز دنیا کی سب سے مہنگی چاکلیٹ نمائش کے لیے پیش کی جائے گی، چاکلیٹ کو تاج کی شکل دے کر چھوٹے سے باکس میں رکھا گیا ہے۔
اوون کے بغیر چاکلیٹ کیک بنانے کی آسان ترکیب
چاکلیٹ کو بنانے کے لیے زعفران، سفید کھمبی، مڈگاسکر، نگینے اور ونیلا استعمال کیا گیا ہے جس کے بعد اسے سونے کے ورق کی متعدد تہوں میں لپیٹا گیا ہے، جبکہ چاکلیٹ کی قیمیت 7728 یورو (9489 امریکی ڈالر) ہے۔
چاکلیٹ کی تیاری میں ایسے سونے کے ورق استعمال کئے گئے ہیں جنہیں کھایا بھی جاسکتا ہے، اور ماہرین کے مطابق یہ ورق کھانے کے بعد جسم کو کسی قسم کا نقصان نہیں پہنچاتے اور نہ ہی کوئی موذی مرض لاحق ہوتا ہے۔
چاکلیٹ سینڈلز جنہیں ہر کوئی کھانا چاہے
دوسری جانب چاکلیٹ تیار کرنے والے ترتگالی نان بائی ’ڈینیئل گومز‘ نے یہ دعویٰ کیا ہے کہ گینز بک آف ورلڈ دیکارڈز نے ہیرے کی شکل کی اس چاکلیٹ کو دنیا کی مہنگی ترین چاکلیٹ ہونے کی تصدیق کردی ہے۔
خیال ہے کہ پرتگال کے شہر اوبیڈس میں عالمی چاکلیٹ میلہ جاری ہے جہاں دنیا بھر سے مختلف انواع اقسام کے چاکلیٹ نمائش کے لیے پیش کیے جارہے ہیں جبکہ مہنگی ترین چاکلیٹ جمعہ کے روز میلے کی زینت بنے گی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیےسوشل میڈیا پرشیئر کریں۔
