ممبئی: بالی ووڈ اداکار سنجے دت نئے روپ میں نظر آئیں گے، اُن کی نئی فلم ’صاحب، بیوی اور گینگسٹر تھری‘ کا ٹریزرجاری کردیا۔
سماجی رابطے کی ویب سائٹ ٹوئٹر پر سنجو بابا نے اپنی نئی آنے والی فلم کا ٹریزر جاری کیا اور ساتھ میں لکھا کہ ’جی ہاں میں ہوں کھل نائیک، جو اب گینگسٹر بن گیا ہوں‘۔
علاوہ ازیں اداکار نے ایک فلم کا پوسٹر بھی شیئر کیا جس میں وہ ہاتھ میں پستول تھامے بیٹھے ہیں۔
Jee Haan Main Hun Khalnayak… Ab Ban Gaya Hun Gangster! #SahebBiwiAurGangster3 #SBG3MotionPoster @jimmysheirgill #MahieGill @IChitrangda
Produced by @rahulmittra13, Directed by @dirtigmanshu & Presented by @rajuchadhawave pic.twitter.com/g5zFoQq5tP
— Sanjay Dutt (@duttsanjay) June 26, 2018
واضح رہے کہ سنجے دت کا شمار اُن اداکاروں میں ہوتا ہے جنہوں نے 90 کی دہائی میں لاکھوں دلوں پر راج کیا اور مختلف کرداروں کو بخوبی ادا کر کے انڈسٹری میں اپنی پوزیشن کو مستحکم کیا۔
بالی ووڈ اداکار کی زندگی میں کئی اتار چڑھاؤ آئے، انہیں کبھی منشیات کے الزام میں جیل جانا پڑا تو کبھی دہشت گردی کا الزام سہنا پڑا، ہدیات کار راج کمار ہیرانی نے منا بھائی کی زندگی کے تمام واقعات کو سامنے لانے کے لیے اُن کی زندگی پر فلم ’سنجو‘ بنائی جس میں رنبیر کپور مرکزی کردار ادا کررہے ہیں۔
مزید پڑھیں: فلم سنجو کا ٹریلر آتے ہی چھا گیا۔۔۔ ویڈیو دیکھیں
ایک طرف تو سنجے دت کی زندگی پر فلم بنائی جارہی ہے تو دوسری جانب وہ اپنی نئی آنے والی فلم ’صاحب، بیوی اور گینگسٹر‘ کی شوٹنگ میں مصروف ہیں۔
واضح رہے کہ ہدایت کار دت ٹگ منشور دھولیا نے اپنی فلم کے تیسرے پارٹ میں سنجے دت کو کاسٹ کرنے کا اعلان کیا تھا، شوٹنگ کا آغاز اگست میں ہوا۔
واضح رہے کہ صاحب بیوی اور گینگسٹر کے پہلے دو پارٹ میں عرفان خان اور رندیپ ہدا نے منفی کردار اد اکئے تھے۔
یہ بھی پڑھیں: سنجے دت پھر گینگسٹر بنیں گے
فلم کی کاسٹ میں جمی شیرگل، ماہی گل و دیگر بھی اداکاری کے جوہر دکھاتے نظر آئیں گے، راہول مترا کا کہنا تھا کہ فلم میں مزید معروف چہرے متعارف کرائے جائیں گے۔
