بھارت کی بھوج پوری فلموں سے تعلق رکھنے والے نوخیز اداکارہ پونم دوبے نے اپنی فٹنس کو برقرار رکھنے کے لیے کی جانے والی کڑی محنت کی ایک تصویر انسٹا گرام پر شیئر کی ہے، شاید یہ تصویر دیکھ کر آپ کو بھی اپنی فٹنس کا خیال آجائے۔
اداکارہ پونم دوبے اپنی فٹنس کے حوالے سے بہت مشہورہیں اور خوبصورت نظر آنے کے لیے وہ بے پناہ محنت بھی کرتی ہیں، ان کی حالیہ تصویر یقیناً آپ کو بھی تحریک دے گی کہ آپ اپنی فٹنس کو برقرار رکھنے کے لیے ’جم‘ کا رخ کریں۔
پونم نے سیاہ ٹریک سوٹ اور گلابی رنگ کے اسنیکرز میں پارک میں ایکسر سائز کے دوران کی ایک تصویر شیئر کی ہے جس کا عنوان انہوں نے لکھاہے ۔۔۔ یہ مقدار نہیں بلکہ معیار ہوتا ہے جو خدا (گاڈ) کو خوش کرتا ہے‘‘۔
یاد رہے کہ پونم کے بارے میں مشہور کے وہ اپنی فٹنس پر کبھی بھی سمجھوتا نہیں کرتیں اور صرف یہ کہ وہ باقاعدگی سے ورک آؤٹ کرتی ہیں بلکہ اپنی ڈائٹ کا بھی بے پناہ خیال رکھتی ہیں تاکہ ان کا جسم متناسب رہے۔
بھوج پوری فلموں میں ان کی شہرت کی سب سے بڑی وجہ ان کے ڈانس نمبر ہیں جو کہ ان کی فٹنس اور جسمانی ساخت کے سبب بے پناہ پسند کیے جاتے ہیں۔
قارئین ! ہم فیشن کے لیے تو ہمیشہ ہی فلمی اداکاروں کی تقلید کرتے ہیں لیکن کیا آپ اپنی فٹنس کے لیے بھی اتنے ہی فکر مند ہوسکتے ہیں جتنی کہ پونم ہیں ۔ یقین کریں اس سودے میں نقصان نہیں ہوگا۔
