مصالحے والی ہری مرچ ہر کھانے کو لذیذ بنا دیتی ہیں۔ آج ہم آپ کو قیمہ بھری ہری مرچیں بنانے کی ترکیب بتا رہے ہیں۔
اجزا
قیمہ: آدھا کلو
بڑی ہری مرچیں: 4 عدد
- Advertisement -
تیل: ڈیڑھ پاؤ
پیاز: 3 چھٹانک
لہسن: 12 جوے
پسا ہوا گرم مصالحہ: 1 چائے کا چمچ
ادرک: 1 چھوٹی گانٹھ
ہرا دھنیا، پودینہ: چند پتے
نمک: حسب ذائقہ
ترکیب
مرچوں کو دھو کر ان کے اوپری حصوں کو تھوڑا سا کاٹ لیں۔
قیمہ، مصالحہ، پیاز، لہسن، ادرک کو آئل میں بھون کر اتار کر ٹھنڈا کر لیں۔
اب اس میں باریک کٹی ہوئی پیاز اور ہرا مصالحہ ملا کر آدھا قیمہ مرچوں میں بھر دیں اور ان کے منہ دھاگوں سے باندھ دیں۔
فرائی پین میں تیل ڈال کر مرچوں کو تل لیں۔
تلنے کے بعد ان کو باقی قیمہ پہ رکھ کر دم پر چھوڑ دیں۔
پندرہ منٹ بعد اتار لیں۔ گرم گرم مرچیں دال چاول یا سادے کھانے کے ساتھ نہایت لذیذ معلوم ہوں گی۔
