ممبئی: سوشل میڈیا پلیٹ فارم اور مائیکروبلاگنگ کی ویب سائٹ پر ایک تصویر وائرل ہوئی جسے لوگوں نے بہت پسند کیا البتہ بالی ووڈ کے لیجنڈری اداکار نے تصویر پر اعتراض اٹھادیا۔
تفصیلات کے مطابق بالی ووڈ فلم پروڈیوسر اور فوٹو گرافر اتل کسبیکر نے یہ تصویر گزشتہ روز اپنے ٹویٹر اکاؤنٹ پر شیئر کی جس کے بعد لوگوں کی مختلف آراء دیکھنے میں آئیں البتہ اکثریت نے ان بچوں کی سادگی کو پسند کیا۔
یہ تصویر دراصل بچوں کے ایک گروپ کی ہے جو سیلفی لینے کی خوشی منارہا ہے، حیران کن طور پر جو بچہ تصویر لے رہا ہے اُس کے ہاتھ میں موبائل نہیں بلکہ چپل ہے اس سے زیادہ حیرانی کی بات یہ ہے کہ تمام بچوں کے چہرے خوشی سے بالکل اُسی طرح کھلے ہوئے ہیں جیسے گروپ سیلفی بنا رہا ہے۔
I’m sharing this image that came in on text cause d unbridled innocence n joy of these lovely kids moved me n made me smile in equal measure
Super image that asks questions
If anyone can reliably locate these munchkins n d photog I’d love to personally send them something each pic.twitter.com/5JWBmixzSH
— atul kasbekar (@atulkasbekar) February 3, 2019
اتل نے تصویر شیئر کرتے ہوئے کہا کہ ’مجھے یہ تصویر کسی نے بھیجی جس میں بچے بہت خوش ہیں، اس کو دیکھنے کے بعد مجھے بہت زیادہ خوشی ہوئی‘۔ انہوں نے لکھا کہ اگر کسی کو ان بچوں سے متعلق کوئی علم ہو تو وہ مجھے تفصیلات ضرور بھیجے۔
دوسری جانب بالی ووڈ لیجنڈری اداکار امیتابھ بچن نے تصویر کا تنقیدی جائزہ لینے کے بعد پروڈیوسر کو جواب دیا کہ ’بصد احترام اور معذرت کے ساتھ آگاہ کرنا چاہتا ہوں کہ مجھے یہ فوٹو شاپ پر بنی ہوئی تصویر لگ رہی ہے کیونکہ بچے کے ہاتھ میں جو چپل ہے وہ جسم اور دوسرے ہاتھ سے بالکل مختلف نظر آرہی ہے‘۔
.. with due respect and apology .. i feel this is photoshopped .. notice that the hand that holds the chappal is different than the rest of his body in size .. to his other hand by his side !!
— Amitabh Bachchan (@SrBachchan) February 3, 2019
