کراچی / اسلام آباد: مقامی صرافہ بازاروں میں ڈالر کے ریٹ کم ہونے کے بعد سونے کی فی تولہ قیمت میں 620 روپے کی کمی ہوئی۔
تفصیلات کے مطابق سونے کی فی تولہ قیمت میں 620 روپے کی کمی ہوئی جس کے بعد مقامی صرافہ بازاروں میں بھاؤ 70 ہزار 830 روپے تک پہنچے اسی طرح 10 گرام سونے کی قیمت میں بھی کمی ہوئی۔
اسی طرح دس گرام سونے کی قیمت بھی کم ہونے کے بعد 60 ہزار 750 روپے تک پہنچ گئی۔
چیئرمین آل پاکستان جیولرز ایسوسی ایشن کے چیئرمین محمد ارشد کے مطابق چاندی کی فی تولہ قیمت 880 روپے رہی۔
کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔ دوسری جانب مقامی صرافہ بازاروں میں چاندی کی فی تولہ خرید و فروخت 870 روپے کے ساتھ ہوئی۔
یاد رہے کہ دو روز سے بلین مارکیٹ میں سونے کی فی اونس قیمتوں میں کمی ہورہی تھی البتہ پاکستان میں ڈالر کے ریٹ بڑھنے کی وجہ سے مقامی صرافہ بازاروں پر زیادہ اچھے نتائج نظر نہین آرہے تھے۔
