واشنگٹن : ‘لیجنڈ باسکٹ بال پلیئر کوبی برائنٹ کی موت ہیلی کاپٹر حادثے میں ہوگی’ کی سنہ 2012 میں ہونے والی پیش گوئی نے دنیا کو حیران کردیا۔
تفصیلات کے مطابق امریکا کے لیجنڈ باسکٹ بال پلیئر 41 سالہ کوبی برائنٹ ایک روز قبل امریکی ریاست کیلیفورنیا کے شہر لاس اینجلس کے قریب ہیلی کاپٹر حادثے میں 13 بیٹی اور 9 افراد سمیت ہلاک ہوگئے تھے۔
لیجنڈ کھلاڑی کی موت پر سوشل میڈیا صارفین نے شدید رنج و غم کا اظہار کیا تھا لیکن ان تمام پیغامات کے دوران سنہ 2012 میں کیا گیا ٹویٹ کوبی برائنٹ کی موت کے بعد سوشل میڈیا پر بہت زیادہ وائرل ہورہا ہے جس میں باسکٹ بال پلیئر کی موت سے متعلق پیش گوئی کی گئی تھی تاہم اس ٹویٹ میں حادثے کی تاریخ اور وقت نہیں بتایا گیا تھا۔
سماجی رابطے کی ویب سائٹ ٹوئٹر پر14 نومبر 2012 میں نوسو نامی صارف نے پیش گوئی کی تھی کہ ‘کوبی برائنٹ ہیلی کاپٹر حادثے میں ہلاک ہوں گے’۔
Kobe is going to end up dying in a helicopter crash
— .Noso (@dotNoso) November 13, 2012
اس ٹویٹ نے سوشل میڈیا صارفین کو حیرت میں مبتلا کردیا ہے جبکہ کچھ صارفین کی جانب سے اس کے حیقیقت پر بھی سوالات اٹھائے جارہے ہیں۔
Theres no freaking way… 8 years ago someone could have said this… and then 8 years later… having it come true…
— NRG Vraxooo (@Vraxooo) January 26, 2020
کچھ سوشل میڈیا صارفین نے اس ٹویٹ کو جھوٹا قرار دیا تاہم ایک ٹوئٹر صارف نے ٹوئٹ کے اصل ہونے سے متعلق واضحات دیتے ہوئے بتایا کہ حقیقت ہے اور ٹوئٹ بھی اصلی ہے۔
1. Twitter does not have an API that allows for changing post dates (or changing tweets in anyway). Tweets are immutable once posted.
— Mike Beasley (@MikeBeas) January 27, 2020
خیال رہے کہ کوبی برائنٹ کھیل کے دنوں میں لاس اینجلس کی بھیانک ٹریفک سے بچنے کےلیے زیادہ تر ہیلی کاپٹر سے ہی سفر کرتے تھے۔
یاد رہے کہ ایک روز قبل لاس اینجلس کے قریب کوبی برائنٹ، 13 سالہ بیٹی اور 9 افراد سمیت اپنے ہیلی کاپٹر ایس 76 میں سفر کررہے تھے جو اچانک فنی خرابی کے باعث گرکر تباہ ہوگیا تھا۔
امریکی حکام کے مطابق ہیلی کاپٹر حادثے میں کوئی بھی شخص زندہ نہیں بچ سکا۔