واشنگٹن : امریکہ کے سیکرٹری برائے تجارت ولبر روس نے کہا ہے کہ چین میں پھیلنے والا مہلک کورونا وائرس امریکہ کی معیشت کے لیے مثبت ثابت ہو سکتا ہے۔
تفصیلات کے مطابق چین میں مہلک بیماری کرونا وائرس سے امریکہ کومعیشت میں بہتری کی امید نظر آنے لگی ، امریکی وزارت تجارت ولبرروس نے کہا ہے کہ چین میں پھیلنے والا مہلک کرونا وائرس امریکہ کی معیشت کے لیے مثبت ثابت ہو سکتا ہے۔
ولبرروس کا کہنا تھا کہ کرونا وائرس سے ملازمتوں کی واپسی میں تیزی لانے میں مدد ملے گی جبکہ تاجروں کوچین سےچیزیں منگانےپرنظرثانی بھی کرناپڑےگی۔
ولبر روس کو اس بیان پر ٹرمپ انتظامیہ کے ناقدین کی جانب سے شدید تنقید کا سامنا ہے جبکہ ماہرین معاشیات نے بھی ولبر روس کے بیان پر سوالات اٹھا دیئے ہیں۔
مزید پڑھیں : چین میں کرونا وائرس سے ہلاکتوں کی تعداد 250 سے تجاوز کرگئی
خیال رہے کروناوائرس سے دنیا بھر میں خوف وہراس پھیلا ہواہے، اب تک 23 ممالک میں کیسز رپورٹ ہوچکے ہیں ، امریکا اور اٹلی نے کرونا وائرس کےبعد ہیلتھ ایمرجنسی نافذ کردی اور ساتھ ہی چین کیساتھ فلائٹ آپریشن بھی معطل کردیا ہے جبکہ سوئیڈن میں کرونا وائرس کاکیس سامنےآگیا ہے۔
ٹرمپ انتظامیہ کاکہناہے ان تمام غیر ملکیوں کو بھی امریکا میں داخلے کی اجازت نہیں دی جائےگی ، جوگزشتہ دو ہفتے کے دوران چین گئےتھے۔
