واشنگٹن: امریکی پولیس نے مکھن کے ڈبے میں منشیات کی اسمگلنگ ناکام بنا دی۔
غیرملکی خبررساں ادارے کی رپورٹ کے مطابق امریکی ریاست کیلی فورنیا میں گرفتار ملزم مکھن کے جار میں منشیات(کوکین) کی ترسیل یقینی بنانا چاہتا تھا، پولیس نے ملزم کے عزائم خاک میں ملا دیے۔
رپورٹ کے مطابق ملزم پوسٹل(ڈاک) کمپنی کے ذریعے کوکین کو مطلوبہ مقام تک پہنچانا چاہتا تھا، گرفتار شخص نے پوسٹل کمپنی اور پولیس کو چکما دینے کے لیے بڑی مہارت سے منشیات کو مکھن کے جار میں چھپانے کی کوشش کی۔
- Advertisement -
ملزم نے پلاسٹ کے دو چھوٹے بیگز میں منشیات چھپا رکھی تھی جبکہ اوپری حصہ مکھن سے ڈھنکا ہوا تھا۔
پولیس نے 39 سالہ ’ڈونلڈ تھارھچر‘ نامی شخص کو گرفتار کرکے قانون کارروائی کا آغاز کردیا ہے۔ گرفتار شہری کے خلاف غیرقانونی طور پر منشیات رکھنے اور اس کی فروخت کے تحت مقدمہ درج کرلیا گیا۔
