ریاض : سعودی محکمہ ٹریفک نے انتباہ جاری کیا ہے کہ مقررہ تعداد سے زیادہ سواریاں بٹھانا خلاف قانون اور ٹریفک قانون کی خلاف ورزی ہے۔
سعودی ذرائع ابلاغ کے مطابق محکمہ ٹریفک نے اپنے بیان میں کہا ہے کہ مقررہ تعداد سے زیادہ سواریاں بٹھانے پر ایک ہزار سے دو ہزار تک کا جرمانہ ہوگا۔
ترجمان محکمہ ٹریفک کا کہنا ہے کہ تمام گاڑیوں کے مالکان رخصہ السیر (وہیکل رجسٹریشن) میں مذکور سواریوں کی تعداد کی پابندی کریں۔
- Advertisement -
یاد رہے کہ اس ٹریفک قانون کی خلاف ورزی کا تعلق ٹیکسیوں تک محدود نہیں بلکہ پرائیویٹ کاروں کے مالکان پر بھی یہ ضابطہ لاگو ہوگا۔ کوئی بھی شخص اپنی کار میں مقررہ تعداد سے زیادہ افراد بٹھانے کا مجاز نہیں ہے۔
