ٹوکیو: انٹرنیٹ کی سب سے بڑی کمپنی گوگل کی ایپلیکیشن گوگل ارتھ نے 7 سال قبل مرنے والے باپ کو بیٹے سے ملوا دیا۔
میڈیا رپورٹ کے مطابق جاپان سے تعلق رکھنے والے نوجوان نے سماجی رابطے کی ویب سائٹ ٹویٹر پر جاپانی زبان میں ایک پیغام شیئر کیا اور بتایا کہ اُس نے گوگل ارتھ کی وجہ سے 7 سال قبل مرنے والے والد سے کو دیکھ لیا۔
ٹیچر یو ایف او نامی ٹویٹر اکاؤنٹ سے جاپانی زبان میں شیئر ہونے والے پیغام میں نوجوان نے بتایا کہ ’اُس نے گوگل ارتھ پر اپنے والد کی تصویر دیکھی تو وہ حیران رہ گیا‘۔
نوجوان نے لکھا کہ ’ والد کا 7 سال قبل انتقال ہوچکا ہے، اپنے والد کی تصویر کو دیکھ کر میں جذبات پر قابو نہیں رکھ سکا کیونکہ میرے لیے یہ منظر ناقابلِ یقین تھا‘۔
コロナでやる事ないからGoogleEarthで実家見に行ったら7年前に死んだ親父が写ってた。その先に人が居たから見に行ったら母ちゃんだった。一服しながら奥さんの帰りを待ってたんだな。無口だけど優しい親父だった。このままこの場所の写真更新しないで欲しいな。 pic.twitter.com/PXxBICAxmz
— タムチンキ (@TeacherUfo) January 4, 2021
’گوگل ارتھ بہت سارے لوگوں کے لیے اہم نہیں مگر مجھے اس کی مدد سے اپنے والد کو تلاش کرنے کا موقع ملا‘۔
نوجوان نے بتایا کہ وہ کرونا لاک ڈاؤن کے دوران اپنے کمرے میں بیٹھا ہوا تھا تو اُس نے گوگل ارتھ پر اپنے والدین کا گھر دیکھنا کا سوچا، اس دوران جب میپ کو زوم کیا تو والد کی تصویر نظر آئی۔
نوجوان نے لکھا کہ ’کرونا کے دوران میں نے کوئی کام نہیں کیا مگر میں گوگل ارتھ پر اپنے والدین کا گھر دیکھتا تھا‘۔نوجوان نے لکھا کہ ’گوگل ارتھ پر جو تصویر ظاہر ہوئی اُس میں میرے والد گھر کے باہر موجود تھے جہاں وہ ضرور والدہ کا انتظار کررہے ہوں گے‘۔
私も一昨年老衰で亡くなってしまった犬が家で写りこんでいて見る度にまた会えたみたいで嬉しくなります。この写真のまま変わらなければいいなぁ pic.twitter.com/S53hOQTNW7
— ぽこた (@shiumeko) January 5, 2021
’میں نے انہیں سڑک پر کھڑے ہوئے دیکھا، وہ بہت رحم دل اور اچھے انسان ہیں‘۔
نوجوان نے گوگل سے مطالبہ کیاکہ وہ اس لوکیشن کی تصویر کو اپ ڈیٹ نہ کرے اور ہمیشہ اسے ہی ظاہر کرے تاکہ میں حقیقی زندگی میں جب دل چاہیے اپنے والد سے مل سکوں۔