تازہ ترین

آپریشن ضرب عضب،تازہ کارروائی میں30دہشتگرد ہلاک، 6ٹھکانے تباہ

شمالی وزیرستان: جاری آپریشن ضرب عضب میں پاک فوج کی تازہ کارروائی کے دوران تیس دہشت گرد ہلاک ہوگئے۔

شمالی وزیرستان کو دہشت گردوں سے پاک کرنے کے لئے سیکیورٹی فورسز نے مستقل پیش قدمی جاری رکھی ہوئی ہے، آئی ایس پی آر کے مطابق سیکیورٹی فورسز کی جانب سے مرسی خیل اورکامشم کے علاقوں میں دہشت گردوں کے ٹھکانوں پر فضائی کارروائی کی گئی، جس کے نتیجے میں تیس شرپسند مارے گئے جبکہ چھ ٹھکانے تباہ ہوگئے۔

اس سے پہلے میران شاہ سمیت شمالی وزیرستان کے کئی علاقوں کودہشت گردوں سے کلئیر کرایاجاچکا ہے، فورسز کی اب تک کی کارروائیوں میں سات سو سے زائد دہشت گرد مارے گئے ہیں اور اُن کے سو سے زائد ٹھکانوں کو ملیا میٹ کردیا گیا۔

Comments

- Advertisement -