آکلینڈ: شائقین کرکٹ کے لیےخوشخبری ہے کہ نیوزی لینڈ کرکٹ بورڈ نے دورہ پاکستان کا عندیہ دے دیا ہے۔
نیوزی لینڈ کرکٹ بورڈ کےچیف ایگزیکٹیوڈیوڈ وائٹ کی جانب سے بڑا بیان سامنے آیا ہے، ڈیوڈ وائٹ کا کہنا ہے کہ ٹی ٹوئنٹی ورلڈکپ سےقبل دورہ پاکستان کا ارادہ رکھتے ہیں۔
نیوزی لینڈ کرکٹ بورڈ کےچیف ایگزیکٹیون نے بتایا کہ نیوزی لینڈ کے دورہ پاکستان کےحوالےسے پی سی بی سے مستقل رابطہ ہے، سرکاری ایجنسیوں سےبھی رابطےمیں ہیں، ہمیں سیکیورٹی انتظامات سےمتعلق یقین دہانی کروائی جارہی ہے، ابھی تک سب بہترین ہے۔
واضح رہے کہ ستمبر اکتوبر میں پاکستان اور نیوزی لینڈ نے وائٹ بال کرکٹ سیریز کھیلنا ہے۔
یہ بھی پڑھیں: نیوزی لینڈ سے شکست، بھارتی ٹیم کو ’چوکرز‘ کا خطاب دے دیا گیا
یاد رہے کہ کیوی ٹیم آخری مرتبہ دوہزارتین میں پاکستان آئی تھی اگر نیوزی لینڈ بورڈ کے پی سی بی کے ساتھ معاملات طے ہوگئے تو نیوزی لینڈ کرکٹ ٹیم 18 برسوں کے بعد پاکستان کا دورہ کرے گی۔
چند روز قبل ساؤتھمپٹن میں ریزرو ڈے والے دن بھارت کو 8 وکٹوں سے شکست دے کر نیوزی لینڈ ٹیسٹ کرکٹ کا حکمران بنا تھا۔
