قومی ٹیم کے مڈل آرڈر بیٹسمین عمر اکمل کی قسمت امریکا پہنچ کر بھی نہ بدلی۔
قومی ٹیم کے جارح مزاج بیٹسمین کرکٹ کلب سے کھیلنے کے لیے امریکا پہنچے مگر ڈیبیو میچ میں ہی گولڈن ڈک پر آؤٹ ہوکر پویلین لوٹ گئے۔
عمر اکمل یو ایس اے ڈومیسٹک لیگ میں ناردرن کیلیفورنیا کرکٹ ایسوسی ایشنز کے لیے کھیل رہے ہیں۔
Not the best of starts for Umar Akmal in the Northern California Cricket Association in USA – out first ball #Cricket pic.twitter.com/A6TGDWndsd
— Saj Sadiq (@SajSadiqCricket) October 4, 2021
واضح رہے کہ عمر اکمل گزشتہ دنوں امریکا روانہ ہوئے تھے جس کی اطلاع انہوں نے سماجی رابطے کی ویب سائٹ ٹویٹر پر دی تھی۔
عمر اکمل نے لکھا کہ ’ہوسکتا ہے کہ کچھ عرصہ امریکا میں قیام کروں، مداحوں سے دعاؤں کی درخواست ہے۔
واضح رہے کہ عمر اکمل کو پابندی کے خاتمے کے بعد رواں سیزن میں ڈومیسٹک کرکٹ کھیلنے کی اجازت ملی تھی۔
عمر اکمل سینٹرل پنجاب سیکنڈ الیون کی جانب سے ٹی ٹوئنٹی کپ کھیلے لیکن خاطر خواہ کارکردگی نہ دکھا سکے تھے۔
