اسلام آباد: تحریک انصاف کی اپیل پر ڈاکٹر طاہرالقادری نے ڈیڈلائن میں آج تک توسیع کردی، انھوں نے کہا کہ ممکن ہیں کہ عوامی دباؤ پر شریف برادران مستعفی ہوجائیں۔
سیاسی پارہ چڑھتا جارہا ہے، کوئی پیچھے ہٹنے کو تیار نہیں، گرما گرم ماحول میں ڈاکٹر طاہر القادری نے واضح کردیا ہے کہ جابر حکمرانوں کا تختہ الٹے بغیر واپس نہیں جائیں گے، ہمیں اس جدوجہد کو کامیاب بنانا ہے، بےنتیجہ واپس نہیں جانا۔
انہوں نے کہا کہ نواز اور شہباز شریف کی بادشاہت کا خاتمہ سے ہی انقلاب کے راستے مزید واضح ہوں گے، طاہر القادری نے کہا کہ آج رات فیصلہ عوام کی عدالت میں ہوگا لیکن امکان ہے کہ اس سے پہلے جدوجہد کا نتیجہ نکل آئے۔
طاہر القادری کا کہنا تھا کہ حکومت سے مذاکرات ایف آئی آر درج کئے جانے، نواز اور شہبازشریف کے استعفے کے بعد ہی ہونگے، طاہر القادری نے کہا کہ وہ آج رات تمام اختیارت عوام کو منتقل کرنے والے تھے۔
طاہرالقادری نے تحریک انصاف کے چئیرمین عمران خان کی اپیل پر دھرنے کے شرکاء کی رضامندی کے بعد حکومت کو مزید چوبیس گھنٹے کی مہلت دی ہے۔
