اسلام آباد: وفاقی دارالحکومت میں ڈاکو بینک کی گاڑی لوٹ کر باآسانی فرار ہوگئے۔
اے آر وائی نیوز کے مطابق اسلام آباد کے تھانہ آئی نائن کی حدود میں ڈاکوؤں نے بینک کی گاڑی پر حملہ کیا اور 5 ڈاکو پیسوں سے بھرے دو بیگ چھین کر فرار ہوگئے۔
سیکیورٹی گارڈ سے پیسے چھیننے کی ویڈیو بھی سامنے آگئی۔
- Advertisement -
ذرائع کا کہنا ہے کہ ڈاکو جاتے ہوئے ایک گارڈ کو بھی زخمی کرگئے، زخمی گارڈ کو طبی امداد کے لیے اسپتال منتقل کردیا گیا ہے۔
پولیس کا کہنا ہے کہ ڈاکو سفید گاڑی میں فرار ہوئے، سی سی ٹی وی فوٹیج کی مدد سے تحقیقات کا آغاز کردیا گیا ہے۔
پولیس کا کہنا ہے کہ اسلام آباد میں ڈکیتی کی 3 مزید وارداتیں ہوئی ہیں۔
پولیس کے مطابق آئی جے پی روڈ پر شہری سے ایک لاکھ روپے چھین لیے گئے، جی 10 اور آئی 10 میں بھی ڈکیتی کی دو وارداتیں ہوئی، واقعے کی تحقیقات جاری ہیں۔
