لاہور : اسپیشل سینٹرل عدالت نے منی لانڈرنگ کیس میں وزیراعظم شہباز شریف اور حمزہ شہباز سمیت دیگر ملزمان کو فرد جرم کے لیے 7 ستمبر کو طلب کرلیا۔
لاہور کی اسپیشل سینٹرل عدالت نے ایف آئی اے منی لانڈرنگ کے مقدمے کی سماعت کی، شہباز شریف اور حمزہ شہباز کی ایک روزہ حاضری معافی کی درخواست دائر ہوئی درخواست میں موقف اختیار کیا گیا کہ حمزہ شہباز کمر کی تکلیف کے باعث پیش نہیں ہوسکتے جبکہ شہباز شریف اسلام آباد میں ہونے کی وجہ سے نہیں آسکتے۔
موسم کی خرابی کے باعث وہ سفر نہیں کرسکے بائی روڑ شہباز شریف کو ڈاکٹرز نے سفر کرنے سے روک رکھا ہے۔
پراسیکیوٹر نے بھی حاضری معافی کی مخالفت نہیں کی ۔ عدالت نے دونوں کی حاضری معافی کی درخواست کو منظور کرلیا ایف آئی اے کی جانب سے پراسکیوٹر نے شہباز شریف کے بیٹے سلیمان شہباز کی جائیدادوں اور بنک اکاونٹس کا ریکارڈ جمع کروایا۔
ایف آئی اے نے ملک مقصود کا ڈیتھ سرٹیفکیٹ پیش کیا ۔۔عدالت نے سات ستمبر کو شہباز شریف اور حمزہ شہباز سمیت ملزمان کو فرد جرم کے لیے طلب کرلیا اور تمام ملزمان کو حاضری یقینی بنانے کا حکم دیا۔
