بھارت میں جانور اپنی پناہ گاہوں سے خوراک کی تلاش میں اکثر شہری علاقوں کا رُخ کر لیتے ہیں، جس سے نہ صرف انہیں بلکہ لوگوں کو بھی کبھی کبھی بڑے حادثات کا سامنا کرنا پڑتا ہے۔
انڈین فاریسٹ سروسز کے آفیسر سوسنتا نندا نے سماجی رابطے کی ویب سائٹ ٹوئٹر پر ایک ویڈیو پوسٹ کی ہے جس میں دیکھا جا سکتا ہے کہ ہاتھی اور اسکوٹر کے مابین تصادم ہونے سے بال بال بچا۔
یہ ویڈیو کب اور کہاں بنائی گئی یہ واضح نہیں ہے، تاہم اس میں دیکھا جاسکتا ہے کہ ہاتھی سڑک پار کر رہا تھا کہ ایک اسکوٹر اس کے سامنے آگئی، نہ صرف اسکوٹر ڈرائیور بلکہ ہاتھی نے بھی ممکنہ تصادم کو محسوس کیا، اس لیے ہاتھی تیزی سے دوسری طرف دوڑا، ڈرائیور نے بھی ابتدائی غلطی کے بعد حاضر دماغی دکھائی اور اپنے آپ کو حادثے سے بچا لیا۔
Elephant barely managed to save herself from the lady driver pic.twitter.com/UIN9J41tZK
— Susanta Nanda (@susantananda3) October 13, 2022
سوسنتا نندا کی جانب سے شیئر کی گئی ویڈیو کو اب تک ڈیڑھ لاکھ مرتبہ دیکھا گیا ہے، ہاتھی کے سڑک پار کرنے کی کوشش کے دوران اسکوٹر ڈرائیور کو نہ رکنے پر ایک ٹوئٹر صارفین نے تنقید کا نشانہ بنایا، اس نے لکھا کہ بہت غیر ذمہ دار ڈرائیور ہے جسے 10 سیکنڈ کے لیے بھی صبر نہیں؟ جب کہ ایک دوسرے صارف نے اس کے برعکس لکھا کہ میرے خیال سے اسکوٹی ڈرائیور نے بہت اچھا کام کیا کہ وہ گھبرائی نہیں۔
What an irresponsible driver 🤷🏽♂️. No patience for even 10 seconds?
— Naresh (@TopDriverIndia) October 13, 2022
ایک اور صارف نے لکھا کہ ہمیں سڑک پر گاڑی چلاتے وقت بہت محتاط رہنا چاہیے خاص طور پر اس وقت جب ارد گرد جنگل ہو۔ انہوں نے مزید لکھا کہ جانور تو نہیں جانتے لیکن ہمیں محتاط رہنا چاہیے۔
Elephant barely managed to save herself from the lady driver pic.twitter.com/UIN9J41tZK
— Susanta Nanda (@susantananda3) October 13, 2022
حالیہ برسوں میں ایسی کئی ویڈیوز سامنے آئی ہیں جہاں سڑکوں اور ریلوےٹریک کو عبور کرنے کی کوشش میں جنگلی جانور حادثے کا شکار ہوکر مرجاتے ہیں یا شدید زخمی ہو جاتے ہیں۔
جانوروں کے حقوق کے کارکنوں اور جنگلی حیات کے تحفظ کے ماہرین نے ایسے حادثات کو روکنے کے لیے ’’وائلڈ لائف کوریڈورز‘‘ کی تعمیر کا مطالبہ کیا ہے تاکہ اس طرح کے حادثات سے جانور اور انسان دونوں کو بچایا جاسکے۔
