پریکٹس کے دوران سر پر گیند لگنے سے زخمی ہونے والے شان مسعود سے متعلق اچھی خبر آگئی۔
پی سی بی کے مطابق شان مسعود اسپتال سے واپس ہوٹل پہنچ گئے ہیں ان کے تمام ٹیسٹ کلیئر آئے ہیں۔
گیند لگنے کی وجہ سے شان مسعود کو ہلکی سوجن آئی ہےان کی تمام نیورولوجیکل آبزرویشن نارمل آئی ہیں۔ کن کشن کے پیش نظر ان کی صحت کا کل دوبارہ جائزہ لیا جائے گا۔
- Advertisement -
میلبرن کرکٹ گراؤنڈ میں جاری نیٹ سیشن کے دوران بیٹر شان مسعود زحمی ہوگئے تھے۔ پریکٹس سیشن کے دوران آل راؤنڈر محمد نواز کی گیند بیٹر شان مسعود کے سر پر جالگی۔
شان مسعود کو سر پر گیند لگنے کی وجہ سے ان کا ضروری معائنے کے لیے انہیں اسپتال منتقل کیا گیا تھا۔
واضح رہے کہ پاکستان اور بھارت کے درمیان میچ اتوار کو آسٹریلوی شہر میلبرن کے کرکٹ گراؤنڈ میں کھیلا جائےگا۔
