شادی کی تقریبات کے دوران دلہا اور دلہن کی خواہش ہوتی ہے ان کی شادی یادگار رہے اور اس کے لیے وہ فوٹو شوٹ کرواتے ہیں جس کے لیے فوٹو گرافرز کو بلایا جاتا ہے۔
لیکن سوشل میڈیا پر ایک ایسی ویڈیو وائرل ہورہی ہے جس میں یکھا جاسکتا ہے کہ دلہا دلہن شادی سے قبل کوئی فوٹو شوٹ نہیں کروا رہے بلکہ حیران کن طور پر اسٹنٹ دکھانے کے لیے شوٹنگ کر رہے ہیں۔
وائرل ویڈیو کو اب تک لاکھوں صارفین دیکھ چکے ہیں اور دعویٰ کررہے ہیں کہ دلہا ایک اسسٹنٹ ڈائریکٹر ہے۔
ویڈیو کو ٹویٹر پر بیسٹ آف دی بیسٹ نامی پیج سے شیئر کیا اور لکھا گیا کہ ’شادی سے پہلے کی شوٹنگز۔‘
وائرل ویڈیو میں دیکھا جاسکتا ہے کہ ایک گاڑی کھڑی ہے جبکہ دلہا اور دلہن موٹرسائیکل پر بیٹھے ہیں اور ان کی بائیک کو ہوا میں اڑتے ہوئے گاڑی کے دوسری طرف جانا ہے۔‘
تاہم اس کے لیے کافی احتیاط کی گئی موٹر سائیکل کو باندھنے سمیت کرین کے ذریعے دلہا اور دلہن کو گاڑی کی دوسری طرف لے جایا گیا اور شوٹنگ کو کامیاب بنایا گیا۔
pre-wedding shoots – i’m getting this pic.twitter.com/Ynwf7Kxr6a
— Best of the Best (@bestofallll) October 27, 2022
اس حیران کن کرتب پر سوشل میڈیا صارفین کی جانب سے دلچسپ تبصرے کرنے کا سلسلہ جاری ہے۔
