رام اللہ: صہیونی فورسز نے مغربی کنارے میں ایک اور فلسطینی کو شہید کر دیا۔
تفصیلات کے مطابق فلسطینی وزارت صحت نے ہفتے کے روز کہا ہے کہ اسرائیلی فوجیوں نے 42 سالہ طارق معالی کو رام اللہ شہر میں گولی مار دی۔
مغربی کنارے میں اسرائیلی فورسز کے ظلم میں بے پناہ اضافہ ہو گیا ہے، جہاں رواں ماہ فوج کے ہاتھوں شہید ہونے والوں کی تعداد 18 ہو گئی ہے، جن میں 4 بچے بھی شامل ہیں۔
اقوامِ متحدہ کی رپورٹ کے مطابق اسرائیلی فورسز نے گزشتہ سال 30 بچوں سمیت 171 فلسطینیوں کو شہید کیا تھا۔
فلسطینی وزارت صحت کے مطابق طارق معالی فلسطینی گاؤں کفر نامہ کے قریب قابض اسرائیلی فورسز کی فائرنگ سے شہید ہوئے، تاہم اسرائیلی فوج نے دعویٰ کیا ہے کہ فلسطینی شخص نے آبادکار یہودی باشندوں کو چاقو مارنے کی کوشش کی تھی۔
A Palestinian mother cries tears of sorrow and pain over the death of her son, Tariq Maali, who was shot and murdered by a colonial Israeli settler in Ramallah. pic.twitter.com/OrTVXOj7Hs
— PALESTINE ONLINE 🇵🇸 (@OnlinePalEng) January 21, 2023
اسرائیلی فوج کی جانب سے ایک سی سی ٹی وی فوٹیج بھی جاری کی گئی ہے، جس میں ایک شخص کو یہودی آبادکاروں کے ایک فارم کے داخلی دروازے سے بھاگتے ہوئے دکھایا گیا ہے، فورسز نے کہا کہ فلسطینی کو گولی ایک یہودی آبادکار نے ماری۔
یاد رہے کہ جمعرات کو بھی الجزیرہ کے مطابق، چھ بچوں کے والد اور ایک مقامی اسکول کے استاد 57 سالہ جواد فرید باوقنیہ کو جنین پناہ گزین کیمپ میں ایک 28 سالہ نوجوان ادھم جبارین کے ساتھ گولی مار کر شہید کیا گیا تھا۔
Colonial Israeli settlers attack Palestinians and foreigners in Al-Auja town near Jericho. pic.twitter.com/7l16m3iH2w
— PALESTINE ONLINE 🇵🇸 (@OnlinePalEng) January 13, 2023
جیسا کہ اسرائیلی فوج نے دعویٰ کیا ہے کہ طارق معالی کو یہودی آبادکار نے گولی ماری تھی، اسی طرح یہودی آبادکاروں کی جانب سے بھی فلسطینیوں پر حملوں کے واقعات میں اضافہ ہو گیا ہے، 10 دن قبل مغربی کنارے کے العوجہ پہاڑی علاقے میں فلسطینی ہائیکرز پر آبادکاروں نے حملہ کیا تھا، جس کی ویڈیو بھی سوشل میڈیا پر وائرل ہوئی تھی۔
