ریاض: سعودی عرب میں غیر ملکیوں کے لیے جائیداد خریدنے سے متعلق نیا قانون جائزے کے آخری مرحلے میں داخل ہو گیا۔
تفصیلات کے مطابق سعودی وزیر سرمایہ کاری خالد الفالح نے ملکی سرمایہ کاری فورم ’فرص‘ سے خطاب کرتے ہوئے بتایا کہ سعودی عرب میں جائیداد خریدنے سے متعلق غیر ملکیوں کے لیے نیا قانون تیار کیا جا رہا ہے۔
انھوں نے کہا کہ غیر ملکیوں کے جائیداد قانون کا جائزہ آخری مرحلے میں ہے، اس کا مسودہ رائے عامہ سے تجاویز حاصل کرنے کے لیے ’استطلاع‘ پورٹل پر جاری کیا گیا تھا۔
سعودی وزیر نے کہا کہ نئے قانون کا اہم پہلو یہ ہے کہ غیر ملکیوں کو، خواہ وہ سعودی عرب میں مقیم ہوں یا نہ ہوں، اسی طرح غیر ملکی کمپنیوں کو جائیدادوں میں سرمایہ لگانے اور جائیدادوں کے مالک بننے کا موقع فراہم ہوگا۔
وزير الاستثمار السعودي #خالد_الفالح: ننظر في #ضريبة_الدخل على الشركات.. "وقد يكون هناك مبادرات لن أستبقها”#السعودية #هيئة_الزكاة#الأسواق_العربية pic.twitter.com/TujD9PodlT
— الأسواق العربية (@AlArabiya_Bn) January 24, 2023
سعودی وزیر کے مطابق یہ نیا قانون کابینہ کی منظوری کے بعد نافذ کیا جا سکے گا۔
خالد الفالح نے کہا کہ سعودی حکومت کمپنیوں پر انکم ٹیکس لگانے پر بھی غور کر رہی ہے، اور زکوٰۃ کی وصولی کے نئے نظام اور جامع سرمایہ کاری قانون کا جائزہ لیا جا رہا ہے۔
