خرطوم: سوڈان کے ایک چڑیا گھر میں شیر کے گھاس کھانے کی وڈیو وائرل ہوئی ہے۔
العربیہ نیٹ کے مطابق سوڈان کے دارلحکومت خرطوم کے چڑیا گھر میں گھاس کھاتے ہوئے ایک شیر کی ویڈیو سوشل میڈیا پر سامنے آئی ہے۔
چڑیا گھر کی انتظامیہ کا کہنا تھا کہ ویڈیو فوٹو شاپ نہیں ہے، تاہم حیران ہونے کی ضرورت نہیں، کیوں کہ شیر بھی کبھی کبھار گھاس پھوس کھاتے ہیں۔
عام طور سے یہی سمجھا جاتا ہے کہ جنگل کا بادشاہ کبھی گھاس نہیں کھاتا، اور صرف شکار کا گوشت ہی کھاتا ہے، حقیقت بھی یہی ہے کہ شیروں کی بنیادی غذا گوشت ہے، تاہم وٹامنز اور معدنیات کی کمی پوری کرنے کے لیے گھاس بھی کھالیتے ہیں۔
فيديو عجيب.. أسد يأكل الحشائش بحظيرة حيوان في الخرطوم https://t.co/O2cnUC8iKj pic.twitter.com/W1Uaxf5JMk
— مزمز فيديو (@mzmzvideo) January 25, 2023
چڑیا گھر انتظامیہ نے فیس بک پر پوسٹ میں لکھا کہ یہ درست ہے کہ گھاس شیروں کی حقیقی غذا نہیں، تاہم ہاضمے کی خرابی کی وجہ سے شیر گھاس پھوس بھی کھا لیتے ہیں، اس سے گوشت ہضم ہرنے میں مدد ملتی ہے۔