اسلام آباد: پی ٹی آئی رہنما فواد چوہدری کی ضمانت کی درخواست دائر کردی گئی ، جس میں استدعا کی ہے کہ عدالت فواد چوہدری کی ضمانت بعداز گرفتاری منظور کرے۔
تفصیلات کے مطابق سیشن عدالت میں تحریک انصاف کے رہنما فواد چوہدری کی ضمانت بعد از گرفتاری کی درخواست دائر کردی گئی۔
درخواست میں کہا گیا کہ فواد چوہدری کیخلاف بدنیتی پر مبنی،مذموم مقاصد کیلئےمقدمہ کیا گیا، مقدمےکا مقصد فواد چوہدری کو بلیک میل اور دباؤ میں لاناہے۔
دائر درخواست میں کہنا تھا کہ فواد چوہدری کو غیر قانونی طور پر گرفتار کیا گیا، استدعا ہے عدالت فواد چوہدری کی ضمانت بعدازگرفتاری منظور کرے۔
اس سے قبل اسلام آبادسیشن کورٹ نےفواد چوہدری کے جسمانی ریمانڈ کی درخواست مسترد کردی تھی اور چودہ روزہ جوڈیشل ریمانڈ پرجیل بھیجنے کا حکم دیا تھا۔
فوادچوہدری نے کمرہ عدالت میں ہتھکڑی کھولنے کی استدعا کی جوعدالت نے منظور کرلی تھی۔
