قومی ویمن کرکٹ ٹیم کی کپتان بسمہ معروف نے روایتی حریف کے خلاف شاندار نصف سینچری جڑ دی۔
جنوبی افریقا کے شہر نیولینڈ میں کھیلے جارہے ٹی ٹوئنٹی ویمنز ورلڈکپ میں آج روایتی حریف پاکستان اوربھارت مد مقابل ہیں۔
گرین شرٹس نے ٹاس جیت کر پہلے بیٹنگ کا فیصلہ کیا، پاکستان کی اننگز کی خاص بات کپتان بسمہ معروف کی بھارت کے خلاف شاندار نصف سینچری اسکور کرنا تھا۔
بسمہ معروف نے 55 گیندوں میں 68 رنز کی عمدہ اننگز کھیلی ان کی دلکش اننگز میں 7 چوکے بھی شامل تھے، اسی کے ساتھ ہی بسمہ معروف کی ٹی ٹوئنٹی میں نصف سینچریوں کی تعداد 4 ہوگئی۔
یہ بھی پڑھیں: بسمہ معروف نے اہم اعزاز اپنے نام کرلیا
کپتان بسمہ معروف کے علاوہ عائشہ امین 43 اسکور بنا کر ناٹ آوٹ رہیں، گرین شرٹس نے مقررہ 20 اوورز میں 4 وکٹوں کے نقصان پر 149 رنز اسکور کئے اور بھارت کو جیت کے لئے 150 رنز کا ہدف دیا۔
بھارت کی جانب سے رادھا یادیو نے دو جبکہ دبتی شرما اور پوجا وسترکار نے ایک ،ایک وکٹ حاصل کی۔
واضح رہے کہ بسمہ معروف ٹی ٹوئنٹی انٹرنیشنل فارمیٹ میں 111 میچوں میں 27.44 کی اوسط اور 91.11 کی اوسط سے 2388 رنز بنارکھے ہیں۔
اس فارمیٹ میں ان کا سب سے بڑا ذاتی اسکور 70 رنز ناٹ آؤٹ ہے، بسمہ معروف ٹی ٹوینٹی انٹرنیشنل میں 11 نصف سنچریاں درج کراچکے ہیں۔
