آئل اینڈ گیس ریگولیٹری اتھارٹی (اوگرا) نے گیس کمپنیوں کے لیے ایل این جی کی نئی قیمتیں جاری کر دیں۔
سوئی نادرن کے لیے ایل این جی 0٫61 ڈالر فی ایم ایم بی ٹی یو سستی کی گئی ہے جس کے بعد سوئی نادرن کے سسٹم پرایل این جی کی نئی قیمت 13٫70 ڈالر فی ایم ایم بی ٹی یو مقرر کر دی گئی۔
سوئی سدرن کے لیے ایل این جی 0٫56 ڈالر فی ایم ایم بی ٹی یو سستی کی گئی ہے۔ سوئی سدرن کےلئے ایل این جی کی نئی قیمت 13٫95 ڈالر فی ایم ایم بی ٹی یو مقرر کی گئی ہے۔
- Advertisement -
جنوری میں سوئی نادرن کے لیے ایل این جی کی قیمت 14٫31 ڈالرفی ایم ایم بی ٹی یو تھی جب کہ سوئی سدرن کے لیے قیمت 14٫51 ڈالر فی ایم ایم بی ٹی یو مقرر تھی۔
اوگرا نےفروری کے لیے ایل این جی کی نئی قیمتوں کا نوٹیفکیشن جاری کر دیا ہے۔
