راولپنڈی: سسرالیوں نے بہو کو تشدد کا نشانہ بنا کر جلا کرمارنے کی کوشش کی، خاتون کو زخمی حالت میں اسپتال منتقل کردیا گیا۔
تفصیلات کے مطابق راولپنڈی میں افسوسناک واقعہ پیش آیا ، جہاں سسرالیوں نےمبینہ طور پر بہو کو تشدد کا نشانہ بنانے کے بعد جلا کر مارنے کی کوشش کی۔
جس کے بعد خاتون کو زخمی حالت میں اسپتال منتقل کیا گیا ، پولیس نے واقعے کا مقدمہ درج کرلیا ہے۔
- Advertisement -
متاثرہ خاتون کے چچا کی مدعیت میں تھانہ ایئرپورٹ میں مقدمہ درج کیا گیا، ایف آئی آر میں متاثرہ خاتون کے سسر، شوہر اور سوتیلے بیٹے کو ملزم نامزد کیا گیا ہے۔
درخواست گزار نے بتایا کہ اس کی بھتیجی کو زندہ جلانے کی کوشش کی گئی، خاتون چہرہ جل جانے کے باعث بولنے سے قاصر اور اسپتال میں زندگی اورموت کی کشمکش میں مبتلا ہے۔
پولیس نے ملزمان کی گرفتاری کیلئےٹیم تشکیل دے دی ہے۔
