کابل: افغانستان میں کالعدم تنظیم داعش کے دو اہم کمانڈر مارے گئے جس کی تصدیق افغان اسپیشل فورسز نے کردی ہے۔
اے آر وائی نیوز کے مطابق افغان اسپیشل فورسز کے دو الگ الگ کامیاب آپریشنز میں کالعدم تنظیم داعش کے دو اہم کمانڈر قاری فتح اور اعجاز امین ہلاک ہوگئے۔
ترجمان طالبان حکومت ذبیح اللہ مجاہد نے کہا کہ دہشت گردی کی کئی کارروائیوں میں ملوث داعش کی افغانستان شاخ کے انٹیلی جنس چیف قاری فاتح کو کابل آپریشن کے دوران ہلاک کیا گیا۔
- Advertisement -
انہوں نے بتایا کہ قاری فتح سفارتی مشن، مساجد اور دیگر اہم مقامات پر حملوں میں ملوث تھا۔
ذبیح اللہ مجاہد کا کہنا تھا کہ ایک اور آپریشن میں داعش برصغیر کا سربراہ اعجاز امین بھی مارا گیا ہے۔
